| 陈奕迅小老窦大开窍 |
|
| 作者：佚名 新闻来源：本站原创 点击数：1678
更新时间：2005-8-13 20:41:37 |
|
| |
陈奕迅小老窦大开窍
「明星不是踩出来的」
陈奕迅与欧阳德勋都是新秀出身，友情一直维系至今。在好友面前，Eason放开怀抱，畅所欲言，更自嘲是天生外父相，已有心理准备再添一名女儿。＜采访＞欧阳德勋 ＜摄影＞郑家骏＜鸣谢＞美丽华酒店
欧阳德勋：我知你成日听唔同类型歌，究竟系兴趣定系需要呢？
陈奕迅：听歌纯粹系享受，好似苏康（苏永康）呀，你咁。我钟意同人分享音乐。华星会同朋友一齐听歌，但有排我无听歌，自己唔听，就觉得成个香港人都唔听歌，用自己把尺去量人。排我成日拍戏，就会成日问点解愈来愈少人买碟呢？系咪人全部去晒download歌？唱片的确系奢侈品喎，成旧水一张，宁愿食几餐饭啦。好似传媒都唔会问你碟，或者制作时有咩趣事，只会问你家事，老婆点嘛，女又点嘛？关你鬼事咩？好答案就系：「多谢关心。」我老窦病关你乜事？影唔影响到你生活啊？我希望传媒帮帮手，推广香港人音乐。
学沉默．感清静
点解韩星咁劲？因为人识得保护自己的财产，我都欣赏Rain跳舞，但点解好似变一个神咁？都系大家吹捧。明星系捧出，唔系踩出，当然歌手自己要做好，起码唱得准音先。再咁落去，传媒同艺人关系只会愈来愈差。我依家学识沉默，唔出声啰。」
欧阳：我觉得你EQ比早排高好多，系咪有个女，对你有一定影响？
陈：佢当然对我有影响，但就唔系突然令我开窍，而系佢简单，令身边人都受到感染，令你六根清静，唔会谂咁多。
读书乐．选英国
欧阳：以前听你讲起英国读书，觉得你好Enjoy度生活，又听音乐，又唱歌剧？
陈：阵时好充实，每日放学都有唔同课程可以参加，周一学校管弦乐团，周二就打榄球，周四就诗歌班，我记得中四时参加英文老师搞莎士比亚剧，住条窄身现代裤扮皇帝，哈哈哈。
欧阳：系咪身材同依家差唔多啊？
陈：依家横，不过对脚都系咁粗。阵时我又跳过「油脂」舞，仲过「best dancer」。
欧阳：段日子应该为你入行打好根基，其实你咁钟意英国，会唔会送囡囡去度读书？
为女儿．先铺路
陈：都有，我觉得度教育制度都几好，特别钟意英国懒洋洋种live style，香港人太过管制自己，虽然好识得适应新环境，但系英国系种take it easy，无呀？唔紧要啊，下次啰，香港人实在太紧张啦，唔识得enjoy。我记得小学时读书读到喊，学能测验时，温书温天光，去到英国，唔单止可以玩好多运动，又可以玩音乐，要玩小提琴？学校借就得啦，只要无整烂。学校空间又大，人身心都健康。美国就危险，又唔使校服，可以为一对波鞋杀人喎，法国又唔熟，等佢大个先啦。
欧阳：谂住几时送佢去呀？
生细路．早一步
陈：未知呀，我自己就12岁去，因为升读中三，读唔番母校，志愿头三名都唔得，最终去间依家都执埋，返一个礼拜就无再读啦，我全班考第一。
欧阳：成班朋友之中，估唔到竟然系你第一个做老窦？
陈：哈哈哈，我呢后辈爬头添，但系Dicky（张卫健）佢成班就算拍拖咁耐，都唔似会有仔女，霆锋唔使讲啦，好难幻想佢有女友，简直系天煞孤星。
欧阳：以前我出来会讲车、讲边首歌正，但依家大家聚埋一齐，就自自然然会讲到你个女，跟住就去你屋企玩BB，你估下一个会系边个做老窦呀？
外父相．反潮流
陈：真系唔知喎，其实我都无特别计划，我谂都系我。
欧阳：系咪想追个仔啊？
陈：仔女都无所谓啦，好多人话我太似一个外父。
欧阳：Eason都几我行我素，你觉得自己咩好睇？有无受人（太太）感染？
陈：我以前衫最紧要系舒服，依家就觉得名牌的确有佢价值，一件Dior T 恤成千几蚊件，但系个cutting真系到成个人slim喎。我个人就钟意好玩衫，我觉得有自信自然好睇。我个人心态比较反叛，好似狗咁，愈叫愈走，人人开胸衫，我就偏唔。
欧阳：转经理人公司系咪咁原因？
陈：系想转环境，其实我适应力好强，要我拍戏无问题，唱片唔卖得都要生活，但我慢慢发觉同音乐个距离愈来愈远。
转公司．录心情
我系需要有人坐低同我倾音乐，你估都估唔到，阵时系杨生同我坐低倾偈，但公司下面同事就实在太忙啦。讲到做音乐，两间公司都畀到我好大空间，但之前就无乜时间宣传，印象无咁深刻。今次呢只碟我花好多时间去做，系我当时心情纪录。
欧阳：我听晒你只唱片，的确好，今次系我自己买，你几时听过DJ要买碟？好啦，如果要你送只歌畀欧阳德勋，你会送边只？
陈：唔，等我谂先，就「幸灾乐祸」啦，呢只歌系Wyman填，大概意思系话凡事应有心理准备，就算受难都唔会当作咩一回事，好正面，送畀任何人都得。
欧阳：多谢晒，共勉之啦。
香港成报 |
| 新闻录入：aidishen 责任编辑：aidishen
|
|
上一篇新闻： 李冰冰评点合作过的演员和导演
下一篇新闻： 纯娱乐电视剧齐登暑期档 八戒荧屏PK悟空 |
| 【字体：小
大】【发表评论】【加入收藏】【告诉好友】【打印此文】【关闭窗口】
|
用户登录 
新用户注册 
（只显示最新10条。评论内容只代表网友观点，与本站立场无关！）
